Kreftkoordinator - Evje og Hornnes kommune

Kreftkoordinator er ei interkommunal teneste som er til for innbyggjarar i kommunane i Setesdalsregionen (Bykle, Valle, Bygland, Evje og Hornnes og Åseral). Tilbodet er til deg som har fått ein kreftdiagnose og til dine pårørande. Ein kreftkoordinator kan hjelpe med å koordinere og tilrettelegge kvardagen for den kreftsjuke og pårørande på best mogleg måte i alle fasar av sjukdomsforløpet.

Den kreftramma sjølv, pårørande eller helsepersonell kan ta direkte kontakt med kreftkoordinator. Tilbodet er gratis og krev ikkje tilvisning frå lege. Interkommunal kreftkoordinator er Signe Telhaug.